Davao City – Nagpahimangno karon ang Municipal Health Office (MHO) sa Santo Tomas, Davao del Norte ngadto sa mga residente sa Barangay Tulalian nga likayan una ang pag-inom og tubig gikan sa mga water sources sa lugar.
Matud ni Dr. June P. Lim, health officer sa Santo Tomas, nga nasuta nga ubay-ubay ka mga water sources sa Barangay Tulalian ang kontaminado sa E. coli or coliform bacteria nga namugna tungod sa hugaw sa tawo ug hayop nga maoy hinungdan sa diarrhea nga mamahimo usab nga makamatay.
Out of nine (9) water sources, tulo (3) ang pakyas nga nakapasar sa bacteriology examination nga gihimo sa Provincial Health Office – Davao del Norte samtang unom (6) ka water refilling stations ang nakapasar sa eksaminasyon.
Gisugyot sa health official nga kung mugamit man og tubig, kinahanglan kining i-purify o initon sulod sa 20 minutos aron mamatay ang mga bacteria nga anaa sa tubig.
Sa rectal swab nga gihimo niadtong July 16, 2021, anaa sa 13 ka pasyente sa diarrhea ang nagpositibo sa cholera.
Subay sa laboratory results, nakumpirma nga ang diarrhea resulta sa amoebiasis, acute gastroenteroritis secondary to E. coli infection ug intestinal parasitism.
RadyoMaN Kirby Manzon
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
