Davao City – Patay ang usa ka lalake nga misuway og uwang sa away sa iyang mga silingan sa may Purok 1 Tibungco ning syudad alas-4:00 sa kahaponon niadtong adlaw’ng Sabado.
Dead on arrival sa Southern Philippines Medical Center ang biktima nga si George Esperon Sr., alias Barok, 43 anyos, minyo, ug residente sa barangay human lubaa sa liog ni Dante Quimada kinsa silingan ra sab sa biktima.
Nasuta nga uwangon unta sa biktima ang suspek ug ang kontra niini sa ilang away apan gikasuko kini ni Quimada mao gidunggab ang biktima tumong sa liog nga bahin gamit ang hait nga hinagiban.
Paspas nakaresponde ang Central 911 medic team ug gilayon gipasapupo ang biktima paingon sa SPMC apan sa dalan pa lang nakabsan na kini og kinabuhi.
RadyoMaN Joel Viray
