Davao City – Padayon pang ginatapok sa Commission on Elections kun COMELEC XI ang kinatibuk-ang ihap sa mga mibotar sa Brgy. ug Sangguniang Kabataan Elections niadtong Mayo 14, 2018 adlawng Lunes.
Sumala ni COMELEC-XI Regional Election Spokesperson Atty. Krisna Samantha Caballero nga dili pa nila masulti nga ubos ang turn out sa karon nga eleksyon tungod wala pa silay datos sa kinatibuk-ang ihap sa mga botante.
Apan sumala niya nga og mugawas sa datos nga ubos ang turn out sa karon nga eleksyon, usa sa mga rason mao ang mga pangalan sa mga botante nga wala sa listahan.
Pahinumdom sa COMELEC nga sutaon sa mga botante ang ilang pangalan ilabi sa National Election sunod tuig aron siguradong makabotar ug dili ma-deactivate ang rehistrasyon human nga dili ka makaboto sa duha ka sunod-sunod nga eleksyon.
RadyoMaN Renz Barbarona
