Davao City – Nalipay ang usa ka empleyado sa gobyerno nga madawat na nila ang mid-year bonus sugod karong Mayo 15, 2018, adlawng Martes.
Sa pakighinabi sa DXDC RMN Davao kang Mary Jean Sitjar Ocho, usa ka non teaching staff sa usa ka pampublikong skwelahan nga mao ang Gorgonio Tajo, Sr. National High School sa Callawa, Buhangin ning syudad sa Davao, kini ang unang mid-year bonus nga iyang madawat sukad nga nahimo siyang empleyado sa gobyerno.
“Siyempre malipay gyud kay mao ra ni ang bonus nga walay kaltas, so buo among makuha, dako dako siya, palit mi og mga needs namo aron makita nako akong hinaguan,” sigun ni Ocho.
Sumala ni Department of Budget and Management Secretary Benjamin Diokno nga kapin 1.5 million ka mga government employees ang makadawat sa maong bonus diin equivalent kini sa usa ka bulan nga sweldo nila.
Dugang ni Diokno nga 36.2 million pesos ang gitagana sa gobyerno alang sa mid-year bonus.
RadyoMaN Renz Barbarona
