SYUDAD sang Iloilo – Sugod mayo 15 irelease na sang Iloilo city government ang mid-year bonus sang mga regular employees.
Mayo 7 sang nagpaggwa sang memorandum si mayor Jose Espinosa III sa tanan nga departments heads , heads of offices, division chiefs, kag empleyado sang city government para sa pagrelease sang mid year bonus.
Ini bilang pagtuman sa section 5 sang Department of Budget and Management (DBM) circular no. 2017-2 ukon ang the rules and regulations sa paghatag sang mid-year bonus para sa fiscal year (FY) 2017 kag sa mga masunod pa nga tuig kag DBM circular letter no. 2019-7 dated march 26 ukon ang pagrelease sang pondo pata sa second quarter sang FY 2019.
Suno kay Espinosa dako nga bulig ang midyear bonus sa mga empliyado nga maggamit sang ila pamilya para sa matag-adlaw nga kinahanglan, allowances, tuition fees kag galastuhan sa eskwelahan.
Suno kay Human Resource Management Officer Leo Elevencione lakip sa makabaton sang mid year bonus ang mga regular employees nga hired on or before Jnauary 15, 2019, kag mga contractual employees nga ginhire paagi sa pagpaggwa sang appointment.// via Joel Franco reports
Photo via Iloilo City Council
