Davao City – Sa panahon sa kalisdanan sama sa krisis hatud sa COVID-19 nga miigo sa nasud, gikinahanglan nga walay pagapili-on diha sa paghatag og ayuda mapobre man o ma-anaa sa middle class takos lamang tabangan sa nasudnong gobyerno.
Busa, pabor si Barangay 23-C Captain Alimodin Usman nga apilon ang mga anaa sa middle class kun fixed income earners sa asistinsiya-pinansiyal sa gobyerno pinaagi sa Social Amelioration Program(SAP) nga gihatag niadtong giisip nga mga kabus sa nasud kun ‘poorest of the poor.’
Suma ni Usman, dili lamang ang anaa sa gitawag nga ‘below poverty line’ ang nawad-an og panginabuhi gumikan sa gipatuman nga enhanced community quarantine ug lockdown hatud sa krisis nga dala sa COVID apan lakip na kadtong mga anaa sa middle class.
Hinoon nasabtan ug suportado sa kapitan ang pag-prayoridad ni Pres. Rodrigo Duterte sa mga naglisod diin sa maong lakang dili kini matawag nga ‘unfair’ sa bahin sa mga middle class sanglit aduna pa man silay makuhaan nga tinubdan alang sa ilang mga panginahanglanon itandi sa mga walang-wala gayod.
RadyoMaN Joel Viray
