Zamboanga City- Siguendo conel fuerte Campania del policia y militar
contra conel presencia del maga miembros del bandido grupo abu Sayyaf
quien ta esconde na ciudad de Zamboanga , ya puede aresta con un
ASG quien embuelto na sipadan kidanpping .
Con Dani Suraidi alyas Dad/Amdak Jumah quien tiene mandamiento de aresto
na kaso de kidnapping y serious illegal detention con ransom , ya
aresta durante el Law Enforcement Operation ya conduci el combinao
fuersa del Regional Intelligence Unit del PRO9 , RMU-9 , 5th SAB ,
PNP-SAF , PIB Sulu PPO , PRO ARMM, y 501st Brigade del Philippine Army
na Barangay de Sta.Barbara .
Si Suraidi uno del maga miembros del ASG baho con ASG Senior
Leader Albader
Parad quien ya encabesa na kidnapping con 21 maga turista na
Sipadan Palau Malaysia del Abril 23,2000, donde ta sirvi tambien este
como el close-in bodyguard , right hand , y trusted miembro del ASG
baho con Sub Leader Alhabsy Misaya .
Ya lleba con Suraidi na RIU-9 para el debriefing antes cuneste ya
man turn over na custodia del CIDG-9 .
