Miembro del MNLF-SIGG arestao

15

Maga pulis del Culianan Police Station, Sangali Police Station y tropa del Philippine Marines ya aresta con un miembro del MNLF-Samideen Information Gathering Group na housing project na Cabaluay enantes tarde na asunto del rubada de maga motor, shabu y Granada.
Con el arestao ya conose como si Jamir Sahibban, 38, casao, nativo de Jolo, Sulu y ta esta na housing project na Cabaluay.
Asegun na report, cuantos dia n surveillance el maga pulis y el maga soldao Marino con el movimiento del suspechao y su maga uban donde base na informacion embuelto estos na robo del maga motor na ciudad na maga sercano provincia.
Enantes tarde ya columbra el maga otoridad con Sahibban na lugar dayun sila ya conduci el operacion y ya alcansa conele na housing project donde ya resulta na su aresto.
Dos maga rubao motor, shabu y Granada ya recobri desde na unit onde sila ta esta.
Pero ya nega si Sahibban hablando nohay le cosa sabe con el mal actividad del disuyu tres uban quien amo alegaomente ya lleva con el maga rubao motor, shabu y Granada na unit onde le ta esta.
El unit ta dweña un pulis de Jolo, Sulu que primo di Sahibban.

Facebook Comments

From Advertisers