Zamboanga City- Muerto el un miembro de police mientras este ta man jogging enantes alas cinco pasada de madrogada na provincia de Basilan .
Conel victima ya conoce como si Police Senior Inpesctor Aristudes Marinda natibo de National Capital Region o NCR .
Con Marinda ya tira el disconocidos persona na vicinidad del Doña Ramona enfrente del un Bakery , donde ya sustene este un fatal tupada de bala na cabesa que ya causa su ensigidas muerte .
Asegun con el mismo Provincial Police Director Sr.Supt.Rufino Inot kay si Marinda parte del Task Force Basilan donde designao este na Police Community Relations o PCR na Basilan Provincial Police Office , y ta manda le imbestiga embuenamente con su maga hente este matansa con Marinda y aresta conel echor .
Ya recobri na custao di Marinda el un .45 Calibre pistola que amo ya usa para tira cunele .
Si Marinda uno del mas o menos dos cientos maga miembros del Police con quien ya nombra maga Ninja Cops que ya bota para na Rehiyon de Mindanao , presentamente tiene 187 maga police desde na NCR el ya designa na Provincia de Basilan .
