Dear Mikee Gua
Tawga lang ko sa ngalan nga Rex, taga Upper Carmen CDO, Ma recall back pa gyud naku ang mga panghitabo sa kinabuhi sa akong gugma nga wala nagmalampuson.
third year college ko dihang nagkauyab mi ni Bernadette perteng guapaha niya sa una Mikee Gua ug daghan kaayo ang nakagusto niya.
Nabantayan naku nabantayan naku na Mikee Gua kay tungod nga bisan uyab nami ug kabalo na ang uban nga naa na miy relasyon naa pa man gyud gihapoy muapas sa iyaha.
Nindot ang among relasyon. Iya kong gidawat bisan ultimo ra ko nga pagkatawo pero di sab bintahaan akong hitsura kay gwapo man ko kay kaliwat man may pag tsinito akong lolo.
Pero pag-abot namo og 4th year college napaundang ko kay namatay akong papa butang nga na depressed ko ug nalayo ming duha NI Bernadette muabot pa ug duha ka tuig ayha ko kabalik sa pag skwela,Padong na graduate si Bernadette.
Pero isa sa pinakasakit nga nahitabo sa akong kinabuhi kay kadtong nakigbulag si bernadette sa ako. Iya kong gibuwagan kay mag-unsa na lang kuno mi kon magdayon mi nga wa man ko natapos ug nagtrabaho lang ko sa usa ka tindahan sa Cogon nga gamay ra ug sweldo,aminon naku tinuod ang iyang gisulti ,busa nag desider ko nga didto na lang sa layo nga lugar naku humanun ang pag skwela .
Pila ra may istorya, naka trabaho ko sa Pampanga ug kaluoy sa Diyos nakahuman ko og eskwela sa tabang sa akong Uncle nga igsoon sa akong amahan nga namatay ug engineer na ko ron.
Pagbalik nako sa CDO last month, nakit-an nako og balik si Bernadette nga naa nay anak kay wa diay sila magdayon sa iyang kapuyo. Karon gusto siya
nga magbalik mi.
Nakahilak ko Mikee Gua sa iyang pagsulti naku.nagpursige ko nga makahuman sa layong dapit giantos naku tanang kagul anan ug kamingaw niya.
Aminun naku nga naa pay feelings naku diri niya apan dili na siya sama kanindot sa una kay karon bunga sa kalisud naglahi na iyang hitsura.dili na siya ang Bernadette sama sa kaanyag kaniadto.
Palihug tambagi ko.
REX
