Dili sekreto nga hangtud 60% sa atong lawas adunay tubig. Pero kahibaw ba ka nga usahay, aduna’y adlaw nga mawad-an ta og 64 ounces nga tubig sa atong lawas tungod sa perspiration kun singot ilabi na gyud kung mag-work out ka?
Maong importanti gyud kaayo ang pag-inom og tubig sa kanunay para kita dili ma-dehydrate. Pero pila man gyud diay ka baso atong imnon sa matag adlaw para magpabiling healthy ang atong panglawas?
Ang mga babaye kinahanglang mo-inom og 90 ounces (11 cups) nga tubig taga-adlaw, samtang ang mga lalaki kinahanglang moinom og 125 ounces (16 cups) taga-adlaw para dili ma-dehydrate.
Sa imong pag-inom kanunay og tubig, daghan kaayo ka og benepisyo nga makuha niini nga siguradong ikalipay nimo. Aniay trese ka mga benepisyo sa pag-inom og tubig:
1. Makasaka kini sa imong brain power ug energy
2. Makatabang kini sa imong healthy weight management ug weight loss
3. Makapawala kini sa imong toxins
4. Maka-improve kini sa imong skin complexion
5. Maka-maintain kini sa imong regularity
6. Maka-boost kini sa imong immune system
7. Makatabang kini para dili maglabad ang imong ulo
8. Makatabang kini para dili ka mag-cramps ug sprains
9. Matabang kini sa pag-regulate sa imong body temperature
10. Makapawala sa sakit sa likod
11. Makapa-improve sa imong heart health
12. Makatabang para mawala imong bad breath
13. Makapanindot sa imong mood
Indeed, naa gyud diay milagro sa pag-inum og tubig sa kanunay. Bongga man gyud diay ning tubig uy. Water is life ingon pa nila.
Mao kadto ang atoang HEALTH & BODY alang sa adlaw nga Sabado, Agosto 4, 2018. Credits to www.elementalbottles.com. Ang photo gikan sa web. (Sinulat ni Dj Ali Matok)
