TACLOBAN CITY – Guilty hi incumbent Samar 2nd District Rep. Milagrosa Tan ha kaso nga eight counts of graft kasumpay han maanomalya nga pagpalit han emergency supplies nga nagkakantidad hin P16.1 million para ha mga biktima han typhoon “Kidang”.
Ginsintensyahan hi Tan hin pagkapreso nga maabot ha 62 years ngada ha 115 years. Ginsintensyahan gihapon hi Tan hin perpetual disqualification ha pagkapot hin bis ano nga posisyon.
Pero antis pa man magsara an opisina han Sandiganbayan, nakagpost hin bail hi Tan ha kantidad nga P240,000 para han iya temporaryo nga paglaya. An iya naman mga co-accused nga hira former Provincial Administrative Officer Rolando Montejo in nakagpost na gihap hin bail P480,000 samtang an private supplier nga hi Reynaldo Yabut posted P120,000.
Hi Tan nga nadalagan ka-gobernador ha probinsya han Samar yana nga tikaarabot nga eleksyon. Allowed la gihapon an iya kandidatura tungod nga iya gin-challenge an desisyon han Sandiganbayan.
Nagtikang an kaso ni Tan ha pagpalit hin mga “emergency supplies” ha kantidad nga P16.1 million bis waray magdumara hin public bidding durante han time nga Gobernador pa hiya. Apil ha mga supplies an bugas ngan medical items para ha ga biktima han typhoon “kidang” dida han tuig 2001.
Ha reklamo nga ginpasaka ni Fr. Noel Labendia han anti-corruption group han Isog han Samar Movement, hi Tan pati na an iba nga akusado in nagsayop ha pagrequest han mga nasabi nga supplies, antis pala an bagyo, nakagrequest na an mga nasabi nga akusado.
Hi Tan in mayada pa tulo nga kaso hin graft ngan lima nga malversation ha first division tungod han gin-aaligar maanomalya nga pagpalit hin mga medisina ha kantidad nga P69 million dida han tuig 2009.
