Davao City – Gipasakahan na og kasong may paglapas sa RA 10591 kun Illegal Possession of Firearms and Ammunitions ug Comelec Gun Ban ang lima ka mga tawo nga naharang sa Km. 80 Barangay Kiblagon Sulop Davao Del Sur, niadtong Mayo 10 sa gabie.
Kini mao ang gikumpirma ni PRO XI Regional Director Brig, Gen. Marcelo Morales atol sa AFP PNP presser.
Gikanayon niini nga ginaberipika pa nila ang miabot kanila nga impormasyon nga iya matud pa kini sa pipila ka kandidato sa Davao del Sur sa midterm elections.
Giklaro sa maong hepe nga ang maong grupo dili membro sa usa ka Private Armed Groups (PAGs), gani gibutyag nga walay namonitor nga PAGs sa tibuok Rehiyon 11.
Dugang niini wala usab kini pulos sa listahan sa drug watchlist o nalambigit sa kriminalidad.
Kahinumdoman nga nasikop mao sila Luis Duterte, 47 anyos, Willy Alconera, 43 anyos, mag-uuma, Reynaldo Malayang, 41 anyos, barangay kapitan sa Barangay Lapu Lapu, Roger Neri, 58 anyos, retired army, ug Ramon Paras, 63 anyos kinsa nakuhaan og m16 rifle, shotgun, .45 kalibre sa pistola ug mga bala nga walay mga dokumento.
Matud niini nga gisumiter na nila ang serial number sa maong armas alang sa pag ila sa nanag-iya niini diin ilang ipagula panahon nga maabot na kanila ang resulta sa imbestigasyon.
RadyoMaN Jason Amisola
