Davao City – Arestado sa Toril PNP ang usa ka miyembro sa Moro Islamic Liberation Front (MILF) human kini naharang sa Task Force Davao-Sirawan checkpoint ug nakuhaan sa kapin 500-mil sa gituohan’g shabu.
Ang suspek naila nga si Ameer Bakang Mentang, 31 anyos, residente sa may Nuling, Sultan Kudarat, Maguindanao.
Subay kini sa joint operation nga gilusad sa Toril PNP, TF-Davao ug PDEA XI human sila makakuha og impormasyon nga adunay miyembro sa MILF nga mosulod sa syudad.
Bandang alas 6:00 sa gabii nabantayan nila ang usa ka lalaki nga mi-ambak gikan sa usa ka van ug pa-sikreto niini’ng gilabay ang usa ka blue pouch apan nabantayan kini sa mga otoridad ug sa dihang gisuta mibungad kanila ang pito ka mga dagko’ng pakete sa gitoohan’g shabu ug lain pang duha ka sachet, lighter ug improvised glass tooter.
Ang mga rekober nga drug paraphernalia gibana-banaan nga mokantdad sa kapin P500,000.
Kasong kalapasan sa Section 5 ug 12 sa R.A. 9165 ang atubangon sa suspek kinsa balhog na karon sa Talomo PNP samtang ang mga narekober nga items gidala sa PDEA-XI alang sa laboratory examination.
RadyoMaN Paul Canono
