Davao City – Suportado sa militar ang gideklarang unilateral ceasefire sugod Disyembre 24 tuig 2017 hangtod Enero 2 tuig 2018 alang sa pagsaulog sa Pasko ug pagsugat sa Bag-ong tuig 2018.
Sumala ni Task Force Davao commander Col. Nicolas Mempin, bisan pa og dunay gideklarang ceasefire, apan ang ilang routinary patrol sa ilang matag area magpadayon aron dili mapahimuslan sa mga rebeldeng NPA.
Naglaum usab ang Task Force commander nga magdeklara usab og ceasefire ang hut-ong sa mga rebelde, human nagdeklara ang commander in chief sa armadong kusog sa Pilipinas aron saulogon ang Pasko sa mga tawo nga malinawon ug walay kasamok nga mahitabo.
Sa pikas bahin, andam usab tumanon sa ginsakpan sa 10th Infantry Division Philippine Army ang gideklarang ceasefire sa gobyerno tungod ug alang sa kalainaw sa selebrasyon sa Pasko. Sumala ni army captain Jerry Lamosao, nagpaabot nalang sila sa direktiba gikan sa higher headquarters aron tumanon ang maong kamandoan.
RadyoMaN Bernard Pantallon
