Militar dili mga kriminal- Col. Banzon

38

Alegasyung AFP, PNP anaa likod pagpatay sa Papa ni Ka Edroy gihimakak ni Col. Banzon
Walay lipod-lipod nga gi-akusahan sa rebelding New Peoples’ Army (NPA) ang kwerpo sa kapulisan ug Armed Forces of the Philippines (AFP) nga maoy responsabli sa pagpatay sa amahan ni Ka Edroy nga si Rolando Leyson, Sr. didto Sison, Surigao del Norte.
Gibutyag ni Ka Sandara, spokesman sa Guerilla Front 30 sa rebelding NPA nga walay laing grupo nga adunay katakus mopatay sa biktima nga nailang Tatay Bodoy kondili ang tropa sa goberno.
Nigamit ang mga suspek ug SUV Toyota Fortuner nga sakyanan, dala ang mga tag-as nga matang sa armas ug milagbas sa nasudnong dalan taliwala sa lalum nga kagabhion luyu sa daghang mga checkpoint sa dalan maoy timaan nga taga goberno ang suspek sa krimen.
Sa habig usab ni Ka Leo Degeri gibutyag niini nga misamot ang paglig-on sa baruganan sa anak sa biktima nga si Ka Edroy aron ipadayon ang armadong pakigbisug batok sa goberno human sa gidangatan sa iyang amahan.
Ang managsunod nga pamahayag ni Ka Sandara ug Ka Leo sa interview sa RMN DXBC
Bugtong sa maong balit, dili binuhatan sa kasundaluhan nga mopatay ug inosenting sibilyan.
Kini ang direktang tubag ni Col. George Banzon, brigade commander sa 901st Brigade Phil. Army subay sa alegasyon sa rebelding New Peoples’ Army (NPA) nga sila ang nagpatay sa amahan ni Ka Edroy nga si Rolando Leyson, Sr. Gihimug-atan sa opisyal nga kanunay mosunod sa balaod ang AFP ug ipaagi tanan sa korte ang kaso batok sa mga indibidwal nga adunay malapas nga balaod.
Gihulat pa nila ang resulta sa imbistigasyon sa Sison Municipal Police Station labot sa maong krimen.
Possible matud pa nga naglisod ang kapulisan sa pagpangalap ug ebidensya ug testigo sa maong krimen maong hangtud karon wala pa’y gipagawas nga suspek ang mga otoridad sa maong krimen

Facebook Comments