Davao City – Nihuyang na ang pwersa sa New People’s Army (NPA) human daghan sa mga giingong mga high value personalities nila ang na-neutralisa, nag-surrender ug nagkadaiyang klase sa armas ang narekober sa government troops.
Gibutyag ni 10th Infantry Division (ID) commander Maj. Gen. Ernesto Torres, niadtong 2017, sobra P200-M ang namonitor sa AFP nga extorted money sa NPA gikan sa mga nagkadaiyang business sama sa mining, agrikultura ug uban pang mga negosyo.
Matud ni Torres karong tuiga 2021, ang monitored sa AFP nga extorted money sa NPA sa sa 1st quarter anaa sa P1.2M, sa 2nd quarter P90,000 ug sa 3rd Quarter zero kun walay mga nihatag na sa mga pagpangilkil.
“We do hope that it will continue iyong ganitong trend na wala ng nag-gi-give in sa kanilang extortion demands. It is possible kasi wala na rin iyong leadership nila,” sumala ni Torres.
Gi-intensify ni Torres ang federated people’s organization (PO) diin kapin 500 ka mga kanhi Communist Party of the Philippines-New People’s Army-National Democratic Front (CPP-NPA-NDF) ang mga miyembro niini uban usab ang mga underground mass organization (UGMO) supporters.
Sumala ni Torres, katambabayong nila ang People’s Organization sa pagkab-ot sa tinguha nga una matapos ang term ni Presidente Rodrigo Duterte mapakgang na ang problema sa insurhensiya sa area sa 10th Infantry Division.
Daghan usab nga mga ahensiya sa gobyerno ug private sectors ang nagtabangay sa paghatag og assistance diha reformation ug livelihood sa mga kanhi NPAs.
RadyoMaN Aimee Guinita
