Nag-engkuwentruhanay ang mga katapo sang 61st Infantry Battalion sang Philippine Army kag mga rebelde nga New Peoples Army sa barangay Corucuan , Igbaras, Iloilo mga alas 2 kaina sang hapon (Hunyo 6).
Ginpahayag ni Col. Joel Benedict Batara, Commanding Officer sang 61st IB nga masobra 10 ka miyembro sang NPA ang naka-engkuwentro sang Militar kon sa diin naglawig sang 15 tubtub 20 minutos ang pagbayluhanay sang luthang sang magtimbang nga bahin.
Suno kay Batara nga tuyo sang mga rebelde nga mangsabotahe sa mga pasilidad sang Century Peak Energy Corporation apang masuwerte nga may nagpahibalo sa ila kabangdanan gilayon sila nga nagresponder nga nagresulta sa engkuwetro.
Gilayon man nga nag-isol ang mga NPA kag wala sang ginreport nga may napatay ukon napilasan sa nasambit nga engkuwentro.
