Davao City – Bantay sarado ang armadong kusog subay sa nahitabong pagpamomba sa Sri Lanka nga nikalas ug dul-an 300 ka mga kinabuhi sa mga tao atol sa Pasko sa Pagkabanhaw kun Easter Sunday.
Matud ni 1003rd Infantry Brigade Commander Col. Nolasco Mempin atol sa interbyu sa RMN Davao nga nagpatuman sila og hugot nga seguridad sa mga simbahan, palengke ug lugar diin dagsa ang mga tao.
Gipaniguro ni Mempin nga adunay igong ihap sa sundalo nga nakamonitor ubos sa iyahang areas of responsibility aron dili makahigayon nga makaataki ang mga terorista nga manghasi sa kalinaw.
Gipahimangnuan sa armadong kusog ang publiko nga magpabiling alerto ug igmat sa ilahang mga palibot.
Gilaraw ni Mempin nga mag-conduct og Anti Terrorism Forum sa katawhan sa Panabo ug Carmen, Davao del Norte.
RadyoMaN Aimee Guinita
