TACLOBAN CITY – Upat nga kasundaluhan ngan duha nga civilian an samaran matapos ma-ambush ha Brgy. Hinatad Bridge Catarman, Northern Samar dida han martes.
Basi ha report han Philippine Army, ginkilala an mga samaran nga kasundaluhan nga hira CPL Jose Jerome Ballano, PFC Rorey Montopar, PVT Joel Lacabe ngan PVT Rolly Dizon, 43rd Infantry Battalion nga nakabase ha Brgy. Mckinley Catarman, Northern Samar.
Ginkilala naman an duha nga civilian nga hira Mark Christian Suson Rubenacio ngan Shirly Suson Robenacio, pareho nga residente ha Brgy. Hinatad ha nasabi nga bungto.
Ha imbistigasyon, ginbabaybay han van sakay an mga kasundaluhan ngan civilian an kakalsadahan han nasabi nga barangay han pagpamumusilon han 15 ngada 20 nga mga rebelde an sarakyan ngan mayada mga pagbuto han Improvised Explosive Devices (IEDs).
Nakapabuto naman an mga kasundaluhan ngadto ha mga rebelde nga grupo.
Umabot ha 5 minuto an purugsilay.
Ha pagka yana, gintatambal na an mga kasundaluhan ngan civilian ha hospital.
