Militar ug NPA, nagka-engkwentro sa Claveria, Misamis Oriental – Captain Bajado

69

Gikompirma ni Captain Leoden Bajado- ang Civil Military Officer sa 58th Infantry Battalion, nga nagka-engkwentro kagahapon sa alas 6:30 sa buntag ang bravo company sa 58th IB ug ang elemento sa New Peoples Army kon NPA, sa Mat-i Claveria, Misamis Oriental.

 

Matud ni Captain Bajado nga atol sa engkwentro, usa ka sundalo ang samaran ug daling nadala sa hospital sa militar.


 

Dugang pa ni Bajado nga sa gihimong clearing operation, nakita kung asa ang direkisyon sa pagdagan sa mga NPA, mga lama sa dugo, ug adunay nabilin nga mga war materials, sama sa landmine, Granada, mga bala, ug magazines.

 

Nasayran nga kung ilang basehan ang lama sa dugo sa gidaganan sa mga NPA, dako ang ilang pagtuo nga aduna usab samaran sa pipila niini.

 

Samtang ang mga tawo sa Mat-i, Claveria Misamis Oriental ug sa kasikbit nga barangay, ang mireport nga adunay presensiya sa NPA sa kabukiran.

 

Kini ang hinungdan nga giberipika sa militar ug nagpahigayon og security operation.

 

Matud ni Captain Bajadonga miabot sa napulo ka minuto ang gidugayon sa engkwentro.

 

Giklaro usab ni Captain Bajado ang report nga dili maagian kagahapong adlawa ang Claveria to Gingoog road tungod kay ang encounter anaa sa bukirang bahin ug layo sa kalsada ug komunidad.

 

Tungod niini usa ka FAKE news ang nanggawas kagahapon nga report.

 

Samtang, nagpadayon ang gihimong hot pursuit operation sa militar, sa Claveria, Misamis Oriental.

 

Kini aron nga malikayan nga makaduol sa mga residente ang mga terroristang New Peoples Army kon NPA.

 

Matud ni Captain Bajado nga sa karon normal na ang sitwasyon sa area.

Facebook Comments

From Advertisers