Davao City-Gikumpirma ni Eastern Mindanao Command Spokesperson Major Ezra Balagtey ang natigayon nga enkwentro tali sa New People’s Army ug Military sa boundary sa hilit nga bahin sa Barangay San Miguel Arakan North Cotabato ug Marilog District ning siyudad karong lang adlawa.
Sa interview sa Rmn Davao News Team kang Balagtey, gisulti sa opisyal nga naglusad og joint foot patrol ang 1001st Infantry Reconnaissance ug 3rd Infantry Battalion Philippine Army sa nasangpit nga lugar dihang ilang nasugata ang presensya sa NPA pasado 11:00 sayo sa udto karong adlawa.
Matud ni Ezra nga natigayon ang pila ka minuto nga pagbinayloay sa bala tali sa duha ka grupo ayha hingpit mikagiw ang mga armado sa wala matino nga lugar apan nagpadayon ang manhunt operation sa military batok sa mga NPA.
Sa nasangpit nga binakbakay, walay natala nga adunay nasamdan sa enkwentro sa bahin sa tropa sa gobyerno apan dili pa sigurado sa parte sa CPP-NPA-NDF.
Kasamang Joel Viray
