Davao City – Angayang i-respeto ang gihimong pagbutang ni Pres. Rodrigo Duterte sa mga retiradong opisyales sa police ug militar diha sa mga sensitibong posisyon sama sa mga frontline agencies sa gobyerno.
Sumala ni Davao City Police Office (DCPO) Director P/Sr. Supt. Alexander Tagum, adunay gibasehan ang pagbutang sa pangulo kanila diha sa kritikal nga posisyon tungod sa disiplina ug training nga naagian sa maong mga opisyal pinaagi sa action, feedback system ug taas nga kasinatian sa pagserbisyo ug patriotismo kun gugma sa yutang natawhan.
Matud ni Tagum, tungod sa taas nga pagserbisyo nila siya nagtoo nga anaa kanila ang kamatinud-anon, kredibilidad ug kaligong nga dili gayud molambigit sa bisan unsang mga binuang.
RadyoMaN Bernard Pantallon
