Davao City – Usa lamang ka pagpangharrass ang gihimo sa wala pa mailhing grupo sa mga armado sa mga ginsakpan sa 3rd Infantry Division Philippine Army samtang nagsakay sa ilang sakyanan sa Carmen, Baguio District, syudad sa Davao sa nakalabay’ng gabii, human gipabuthan sa makatulong higayon.
Sumala ni Maj.Ezra Balagtey Eastern Mindanao Command (EASTMINCOM) Spokesperson, walay naigo sa mga sundalo nga nagsakay sa ilang sakyanan human gipabuthan gawas lamang sa pagkasamad sa usa ka PFC Robillo human kini milukso sa ilang sakyanan sa dihang nabati ang tulo ka mga buto, apan walay natigayong ingkwentro.
Matud ni Balagtey, sakay sa ilang mobile car ang napulo ka sundalo gikan sa Malagos Calinan padulong sa Carmen Baguio District sa dihang natigayon ang insidente. Gidudahang mga rebelde ang mihimo sa pagpangharrass sa mga sundalo.
Kasamang Bernard Pantallon
