Davao City – Kumbinsido si Police Regional Office 11 Spokesperson Police Major Eudisan Gultiano nga dali na kaayo masuko kun wala na’y taas nga pasensya ang mga tawo karon kun ang kasamtangang henerasyon kay bisan sa gamay nga rason maputong na ug muhimo dayon og krimen.
Pero sa obserbasyon ni Major Gultiano, ang mga batan-on karon ang putong ug dali ra masuko itandi sa mga edaran ug kini makita sa mga krimen kung asa ang mga bag-ong tubo ang sagad malambigit.
May dakong kalabotan sa kausaban sa kinaiya sa mga millennials karon ang social media ug internet kan-sang dako kaayong impluwensiya sa dagan sa panghunahuna ug batasan sa mga batan-on karon.
Apan, usa sa dakong ehemplo sa natigayong ngilngig nga krimen kansang nagsugod tanan sa kasuko mao ang pagpanigbas ug dunggab patay sa laborer sa iyang kapuyo didto sa Tibungco ning siyudad.
Ang nahitabo sa Tibungco ning siyudad, buhing kamatooran nga kun maghari gani ang sobra kasuko sa usa ka tawo makalimot na kini sa iyang kaugalingon ug wala na’y pakialam bisan og nakabuhat na kini og krimen batok sa iyang isigkatawo ug sa minahal sa kinabuhi.
Apan hugot kini gisupak ni Police Major Gultiano kay kasagaran nakahimo og krimen adunay motibo ug personal nga rason ug dili tungod sa kasuko sa tawo maong makabuhat sila og dautang buhat.
“I would agree na talagang medyo mahina na ang pasensya ng mga tao but that’s apply to the younger generation kay usually may mga motives talaga kaya sila nakapatay may mga personal motive sila pero iyong because of kasuko dahil out of frustration lang and out of fear murag wala pakoy nakuha nga data ana,” segun ni Gultian.
Gitambagan sa opisyal ang mga ginikanan nga bantayan ang ilang mga kabataan kay aron dili matumpa-wak sa kalautan inay tudloan og maayong kinaiya aron makinabuhi nila ang taas nga pasensya sa ingon dili dayon dali masuko hatud sa mga pagsuway sa kinabuhi aning kalibutana.
RadyoMaN Joel Viray
