Masobra 15 ka sako sang shells kag endangered marine species ang nakumpiskar matapos gin-raid sang Provincial Special Operations Group (PSOG) sang Iloilo Police Provincial Office (IPPO) kag sang Estancia MPS. ang BB marine sa banwa sang Estancia, Iloilo, Miyerkules sang aga, Disyembre 20.
Ini ang ginapanag-iyahan sang is aka Chinese national nga ginkilala kay Steve Lim sang Bacolod City nga naga pamakal kag nagabaligya sang mga marine products.
Suno kay Chief Inspector Jonah Galicha sang Estancia PNP, illegal nga nagabaligya sang mga endangered species ang BB marine kon sa diin, ila nakumpiskar ang 19 ka kilo sang assorted dried seahorse kag sea dragon nga may market value nga 1.5 million pesos kag 16 ka sako sang nautilus shells nga may market value nga 150,000.00 .
Santo sa impormasyon nga nakalab-ot sa estancia pnp, ginabakal sang Taiwanese national nga si certain “Aping” ang mga nakumpiska nga mga endangered species kag shells kag ginadala sa Cebu.
Wala nadakpan si certain “Aping” apang arestado ang iya mga tinawo nga amo sanday Rosalie Medina, Joven Mangubat kag Rolito Torres kag natalana nga pasakan sang kaso sa paglapas sa R.A. 10654.
