Tungod niini gipasalamatan ni MINDA Chairperson Secretary Maria Belen Acosta si Presidente Marcos Jr., tungod sa pagpaminaw ug pagkonsidara sa rekomindasyon sa 2nd Mindanao Development Forum nga gi-organisa sa Mindanao Development Authority niadtong Mayo 18, 2023, sa pagpaningkamut sa pribadong sektor, Chambers, LGU’s, ug Official Development Assistance Partners nga bakwion na ang National Emergency on Account of Lawless Violence sa Mindanao.
Gibutyag ni 10th Infantry “Agila” Division Philippine Army Commander Major General Jose Eriel Niembra, sukad madeklara nga gawasnon sa CPP NPA NDF, ang entero rehiyon onse, wala na sila’y namonitor nga bayolinteng kalihukan sa mga rebelde.
Busa gidayeg sa hut-ong sa mga negosyante, ang nasudnong gobyerno ug MINDA, gumikan sa pagwagtang na sa National Emergency, tungod mo-arangkada na pag-usab ang ekonomiya ug kalamboan sa Mindanao.
RadyoMaN Joel Viray
