Davao City – Gipusil ang usa ka minero alas-5 sa kahaponon sa Purok 8, Barangay Nabok Monkayo, ComVal gahapong adlawa.
Biktima naila sa pangalang Boy Davao Casal alyas Dacoroy, 38 anyos, nga taga Purok 6 Barangay Naboc, Monkayo, ComVal.
Base sa rekord sa Police Regional Office XI (PRO-XI), samtang naghulat ang biktima sa iyang live-in partner ug nanghinlo sa iyang motorsiklo kalit kini gipusil sa duha ka wala mailhing suspetsado sa nagkadaiyang parte sa iyang kalawasan resulta sa iyang hinanaling kamatayon.
Human sa pagpamanhig kalit mikaratil sa wala matino nga direksyon ang mga suspetsado.
Nakuha sa crime scene ang upat ka basiyo ug usa ka fired bullet.
Patay’ng lawas sa biktima anaa na sa Lord Anthony Funeral Home, Montevista, ComVal.
RadyoMaN Abi Bibera
