Salug, ZDN-Natuman na gyud ang dugay nga gipangadoy nga Mini-Covered Court sa Balakan National High school sakop sa lungsod sa Salug ning probinsya sa Zamboanga del Norte.
Atol sa gipahigayon nga turned-over ceremony sa maong proyektong mini –covered court nagkantidad kini og Php. 450,000.00 gikan sa Kagamhanang Probinsyal ilawom sa pagdumala ni Governor Roberto Y. Uy ngadto na sa Balakan National High school.
Una gihimu ang pagblessing og ribbon cutting sa maong proyekto ug gisundan usab sa hamubong programa nga gitambongan sa mga opisyales sa Probinsya sa pagpanguna ni Vice Gov. Senen Angeles , mga Board Member sa 3rd District , Executive Assistant IV Praxides Rubia , mga opisyales sa lungsod ug sa Barangay ug ni Project Coordinator sa lungsod sa Salug Melodie Tolin.
Sa mensahe gipasupot ni Vice Gov. Angeles, matud pa niini nga una gipaabot ang dakung pahalipay sa tulungahan nga Balakan Nhs nga gipangulohan sa principal nga si Joejel Dayonot sa pag-angkon sa usa ka proyekto para sa kaayuhan sa mga kabataan nga nagtungha sa Balakan NHS.
Matud pa ni VG Angeles nga usa sa mga tumong ug tinguha sa kagamhang probinsya ilawom sa pagdumala ni Gob. Uy mao ang Edukasyon alang sa tanang mga kabataan, maoy sila sa probinsya walay puas sa paghatag proyektong school building ug covered court nga usa usab kini sa panginahanglanon sa mga estudyante ug sa tulunghaan.
Kini nga proyekto covered court namugna sa pagpaningkamot ni MelodieTolin ug mga magtutdlo sa nasangpit nga tulunghaan.
Gani nagpasalamat sila sa mga nagpaluyo aron matukod ang maonng proyekto nga napahimuslan kini sa mga kabataan kaniadtong miaging bulan sa Abril sa ilang kalihokan.
Gapamatuod lamang ang kagamhanan sa probinsya naglantaw gayud sa panginahanglanon sa mga tulunghaan ug sa kabataan .
Dugang pa ni VG Angeles, bisan gamay lamang pero daku kini gikatabang sa tanang aktibidades dinhi sa tulunghaan , bisan mag-ulan ug init aduna na sila kapasilungan diin mahimu ang mga programa.
Ang paghatag sa mga proyekto gapakita lamang kung magkahiusa para sa kaayuhan sa tanan walay makababag sa ikahatag usab nga kaayuhan sa katawhan,
Busa si VG Angeles gi-challenge niini ang mga nagdumala sa nahisgutang tulunghaan nga ampingan ug amomahun ang maong proyekto ,sama na lamang sapag-amping sa propiyedad
Aron kini tanan magamit,karon ug sa umaabot nga katuigan kini nga proyekto alang sa tanan.
Siya usab nga manghinaut nga ang mga magtutungha ,mga magtutudlo magpadayun sa panaghiusa ug padayun sa paglantaw sa maayung kaugmaon sa kabataan (PIC-ZSM)
