Roxas City, Capiz- Pila ka mga hepe sang kapulisan sa Capiz ang ginpang-relieve sa ila assignment.
Ini ang kasunod sang ginpapanaog nga direktiba ni PRO-6 Regional Director Police Chief Supt. John Bulalacao epektibo Hulyo 23, 2018 matapos ang ginpatigayon nga pag-review sang Regional Senior Officers Placement and Promotion Board sa accomplishment sang mga ini.
Suno sa impormasyon isa sa mga ginatudlo nga kabangdanan amo ang kakulangan sang accomplishment sang mga ini sa ila area of assignment partikular ang kampanya kontra ilegal nga druga, pagdakop sang mga wanted nga persona, loose firearms, illegal fishing, illegal gambling kag iban pa.
Samtang ang iban naman ang ginbuslan bangud nagpaidalom ang mga ini sa schooling para sa ila promosyon.
Ang mga ginpangrelieve nga hepe sang kapulisan ang gintal-usan naman sang mga hepe nga halin sa Antique PPO kag Negros Occidental PPO.
<www.avast.com/sig-email?utm_medium=email&utm_source=link&utm_campaign=sig-email&utm_content=webmail>
