Ginaduso ni Acts-OFW Party-List Rep. John Bertiz nga pataasan sa P900 ang minimum wage sang mga construction workers.
Sa karon, P537 ang minimum wage sa Metro Manila apang sa iban nga pungsod kaangay sang New Zealand, nagalab-ot sa P5,300 ang sweldo kada adlaw sang isa ka OFW nga yara sa construction sector.
Suno kay Bertiz, masami nga problema subong ang kakulang sa manpower bangud mas ginapili sang pinoy construction workers nga magtrabaho abroad bangud sang mas dako nga kita.
Dugang pa ni Bertiz nga kon pataasan ang sweldo sang mga construction workers, mahimo nga magpangduha-duha ang mga ini kag mas pilion nga magpabilin na lang sa Pilipinas ilabi pa nga nasaad naman sa layi nga may ikasarang ang *Regional Tripartite Wages and Productivity Board* nga pataasan ang sweldo sa kada industriya.
