i Balita
October 26, 2019
(Photo from web)
MINIMUM WAGE SA REHIYON 6 P 395.00/DAY
Nagsaka na sa 395.00 ang minimum wage kada adlaw sa rehiyon 6 .
Ini matapos gin-aprubahan sang Regional Tripartite Wages and Productivity Board ( RTWPB) -6 ang 15.00 nga saka sa sweldo kag dugang nga 15.00 nga cost-of-living allowance (COLA).
Bangud sini, halin sa 365.00 nga minimum wage sang nagligad nga tuig sa mga kumpaniya nga may 10 ka empleyado pataas, magasaka na ini sa 395.00.
Samtang 310.00 na ang minimum wage sang mga kumpaniya nga may manubo sa 10 ka mga empleyado .
Sa agriculture sector, 315.00 na ang bag-o nga minimum wage .
Ginpahayag ni Department of Labor and Employment (DOLE) Region 6 Director Cyril L. Ticao nga wala pa sang natalana nga adlaw kon san-o maga-epekto ang saka sa sweldo bangud ila pa ini ipadala sa DOLE national office agud maaprubahan.
Lauman suno kay Ticao nga sa katapusan nga semana sang Oktubre ukon una nga semana sang Nobyembre maga-epekto ang saka sa sweldo sa rehiyon 6.
