Davao City – Gawas sa pag suspinde sa mga klase sa pipila ka mga lugar sa probinsya sa rehiyon, gikansela na usab ang mga mining activities sa probinsya sa Compostela Valley tungod ni bagyong Chedeng.
Sa pakighinabi sa DXDC RMN Davao kang Leslie Francisco, spokesperson sa OCD-XI, gisuspende na ang mga small mining activities sa maong probinsya tungod sa nahisgutang tropical depression.
“Sa ComVal aduna nay mining activities suspension partikular na sa mga small mining.” segun niini
Dugang pa ni Francisco nga nagpahigayon na usab og pre-disaster needs assessment kagahapong adlawa, Marso 17, 2019 ang council, head sa National Disaster Risk Reduction ang Management Council (NDRRMC) ug ang nagkadaiyang mga Provincial Disaster Risk Reduction and Management Office (PDRRMC) sa rehiyon sa pagpangandam sa maong daut nga panahon.
RadyoMaN Kirby Manzon
