Davao City – Nagtoo ang usa ka minister sa Christian and Missionary Alliance Churches of the Philippines (CAMACOP) nga dili ordinaryo nga basahon ang Bibliya tungod mensahe kini sa Dios nga gisuwat sa mga propeta ug mga apostoles pinaagi sa Balaang Espiritu.
Nilibo naman ka tuig sukad nasuwat ang Bibliya apan ang relevance niini wala mawala sanglit ma’y gahum kini sa pag-usab sa kinabuhi sa tawo, sumala ni CAMACOP minister Dr.Ira Lee Rosalita.
Ang Bibliya pulong kini sa Dios nga dili puwede itandi sa mga libro sa kalibutan nga muabot lang og pila ka tuig lang wa na kini pulos sa kinabuhi sa tawo, segun ni Rosalita.
Gipalanog pa ni Rosalita nga wala nagpasabot nga kun nagbasa sa Bible nakasabot na sa kabubut-on sa Dios ug daghan pa sab ang wala makadungog ug masayod sa pulong sa Ginoo.
Ang dakung kalainan sa Bible ug sa libro sa tawo mao nga ang Bibliya wala’y pagkahupas samtang ang ordinaryo nga balasahon wala nay bili pag-abot sa pila ka tuig.
Ang Bible usab magpausab sa kinabuhi sa tawo ug samtang ang sinuwat nga subay sa kahibalo sa tawo mas magpagalgal pa paingon sa kalautan, sumala ni Rosalita.
RadyoMaN Joel Viray
