TALISAY CITY – Nagpa-maskwa sa ospital ang isa ka 17 anyos nga solterito matapos nga ini ang ginbuno pasado las onse kagab-i sa atubang sang isa ka convenience store sa ciudad sang Talisay.
Nakilala ang biktima nga si Charles Klein Jomen, 17 anyos ang edad, pumuluyo sang Brgy. Mandalagan, Bacolod City.
Suno sa biktima nga samtang nga ini sila ang naga-standby sa amo nga lugar, hinali na lamang ini nga ginpalapitan sang wala makilala nga suspek kag ginbuo sa iya likod.
Sa pihak nga bahin, isa man ka amay sa ciudad sang Talisay ang biktima sang pagbuno mg alas 9:20 kagab-i sa Brgy. Zone 2 sang amo nga ciudad.
Suno sa biktima nga nakilala kay Rogelio Jacobo, 53 anyos ang edad, pumuluyo sang amo nga lugar nga ini siya ang nagkadto sa tiyangge agud nga magbakal apang hinali na lamang ini nga ginbuno sang suspek nga nakilala lamang kay alias Timong.
Ini siya ang nakaangom sang pilas tuga sang pagbuno sa iya kilid.
Ang duha ka mga biktima ang lunsay karon nga ginabulong sa Corazon Locsin Montelibano Memorial Regional Hospital./dyHB BACOLOD
