Davao City – Apil ang usa ka minor de edad sa duha ka mga tigpayuhot og iligal nga droga kinsa pulos nadakpan sa gilusad nga buy-bust operation sa kapulisan sa Sta. Ana alas-2:10 sa kaadlawon didto sa Blk. 66 Brgy. 21-C, siyudad sa Davao.
Base sa report sa Sta. Ana PNP, ang duha ka mga dinakpan mao sila si Abdullah Agbisit, 22-anyos, ug usa ka minor de edad nga si alyas Abulik, 16-anyos, nagpuyo sa nasangpit nga lugar.
Malampusong napalitan og iligal nga droga ang mga suspek gani narekober ang duha ka mga pakete sa gituohang shabu.
Ang duha ka dinakpan balhog na sa Sta. Ana PNP ug gihikay na sa kapolisan ang kasong kalapasan sa R.A. 9165 kun comprehensive dangerous drugs act of 2002.
Sa datos usab sa Sta. Ana PNP, dul-an 90 na ka mga drug pusher ang nadakpan ingon man napasakahan og kaso ngadto sa korte samtang 13 na ang na-neutralisa sukad milingkod niadtong bulan sa Hunyo ning tuiga si Police Chief Inspector Michael Uyanguren isip Station Commander sa maong police station.
RadyoMaN Don Pulayao
