Davao City – Naglusad na karon og manhunt operation ang Sasa PNP aron sikopon ang suspek sa pagpangluba sa 17 anyos nga si alyas ‘Joven’, residente sa Doña Asuncion Pampanga dakbayan sa Dabaw.
Nasuta nga nakig inom pa ang biktima uban sa suspek ug sa dihang pareho nahubog ang duha, misangko sa wala pagsinabtanay ang ilang panaglalis.
Mikuha matud pa og mahait nga hinagiban ang suspek dayon duslak sa lawas sa batan-on.
Human sa mao nga panghitabo paspas nakasibat ang suspek samtang ang biktima dali gidala sa Southern Philippines Medical Center (SPMC).
RadyoMaN Joel Viray
Facebook Comments
