Davao City – Naka-angkon og samad sa nagkadaiyang parte sa lawas ang usa ka minor de edad human giddunggab alas-11:30 sa gabie nahitabo sa Purok 4 Brgy. 33-D siyudad sa Davao.
Sa report gikan Sta. Ana PNP, angol si alyas Ton, nagpuyo sa Purok 22 Brgy. 76-A ning siyudad kinsa gidunggab sa wala mailhing suspetsado.
Sumala sa inahan sa biktima nga si Shiela Gonzales, nagbaktas sa may Purok 4 Mabini Boulevard sakop maong barangay ang iyang anak kauban sa iyang barkada diin kalit matud pa giduol sa usa ka suspect kinsa nikulata ug nidunggab tumong sa likod sa biktima.
Daling gitabang ang biktima paingon sa Southern Philippines Medical Center (SPMC) aron mapatambalan samtang maglusad og follow up investigation ang kapulisan sa Sta. Ana alang sa pag-ila sa suspect ingon man motibo sa pagpangdunggab.
RadyoMaN Don Pulayao
