Davao City – Gipadakop sa magtutudlo ang usa ka estudyante human nagdala og gitohoang marijuana sulod sa premises sa eskwelahan sa Kilometer 9, Sasa, Davao City.
Suma ni Glenn Noel Boyose, magtutudlo sa F. Bangoy National High School , nabantayan niini si alyas Sean, 16 anyos, grade 10 student, ug nagpuyo sa Upper Ilang, ning dakbayan nga nagdala og cellophane nga dunay sulod nga ugang marijuana alas 11:30 sa udto.
Gisita ug gipa-hold sa maong magtutudlo ang estudyante aron masuta kun marijuana ba o dili, ang gidala niini nga dahon.
Sa dihang nasuta nga ugang dahon sa marijuana ang bitbit sa minor de edad, gilayong nangayo og police assistance sa Sasa Police Station aron pormal i-indorso ang estudyante.
Sanglit minor de edad ang dinakpan, gilayon giendosar sa mga otoridad sa City Social Services and Development Office (CSSDO) aron i-kustodiya.
RadyoMaN Joel Viray
