Davao City – Daling gipa-imbestigahan ni Police Col. Manan Muarip, hepe sa Davao City Police Office, ang usa ka viral video sa social media nga nagpakita sa usa ka batan-on nga naggamit og gituohang pinaugang dahon sa marijuana.
Matud pa sa pamahayag ni Col. Muarip, iyang gikasugo si Police Station 3–Talomo Station Commander, PMaj. Genesis Oriel, aron subayon ang maong video nga misikat sa social media ug nagpakita sa usa ka menor de edad nga nanigarilyo sa gituohang marijuana.
Base sa imbestigasyon, ang video gi-upload niadtong Septyembre 9, 2025 sa usa ka giilang si Real. Pagsubay sa mga intel operatives, napamatud-an nga ang batan-ong sakop sa video mao ang usa ka 14-anyos nga residente sa Bangkal, Talomo, Davao City.
Naila usab nga ang maong menor de edad usa ka Grade 8 student apan mitungha na sa pag-eskwela ug misugod og kuyog sa iyang mga barkada. Pinaagi sa paningkamot sa kapulisan, naluwas na ang maong menor de edad.
RadyoMaN Bien Abanos
Facebook Comments
