Davao City – Gibutyag matud pa sa nasikop nga 17 anyos nga miyembro sa New Peoples Army kun NPA nga nalimbong siya sa mga nangrecruit sa iyaha.
Sumala ni Capt. Jerry Lamosao, 10th Infantry Division Philippine Army spokesperson nga kini matud pa ang giingon sa 17 anyos atol sa gihimong pakighinabi kaniya sa mga personahe sa 56th IB.
Subay kini sa nasikop nga menor de edad nga si alyas ‘Dong’ human nagkaengkwentro ang 56th Infantry Battalion Philippine Army ug gituohang mga sakop sa Guerilla Front 55 sa Sitio Bulo, Brgy. Dagohoy, Talaingod, Davao del Norte alas 10 sa buntag niadtong miaging adlaw.
Dugang sa tigpamaba nga base sa report sa 56th IB wala pay unom ka bulan ang 17 anyos sa pag apil sa kalihukan.
Kahinumduman nga human sa engkwentro nga milungtad og lima ka minuto, nasikop ang 17 anyos nga si alyas ‘Dong’ ug narekober ang usa ka m1 rifle ug gituohang Improvised Explosive Device kun IED.
RadyoMaN Renz Barbarona
