Davao City – Diriyot nabulabog ang Misa de Gallo sa Saint Joseph Parish Church sa may Sasa human nagbomb joke ang usa ka batan-on alas 5:00 sayo kabuntagon.
Daling gisikop sa mga barangay police ang batan-on nga si alyas ‘Jan-Jan’, 14 anyos, nagpuyo sa Sasa ning siyudad ug dayon gidala sa Sasa PNP.
Giingon sa batan-on nga igo lang siya gisugo sa mga bugoy nga nag-istambay gawas sa simbahan nga mosinggit og ‘bomba’.
Sanglit kung dili kuno motuman si Jan-Jan siya usab ang pasipad-an busa wala siya’y nahimo gawas sa pagsinggit nga dunay bomba resulta nga daghan sa manimbahay ang nataranta.
Anaa na karon sa kustodiya sa Women and Children’s Protection Desk sa Sasa PNP ang batan-on alang nga proper disposition.
RadyoMaN Joel Viray
Facebook Comments
