Davao City – Gi-rescue ang upat ka mga minor de edad human kini nakahimo sa pagpangwat sa usa ka tindhan sa may Bugac, Maa, ning siyudad .
Subay sa report, personal nga nagpatabang sa kapolisan si Archie Maganincio, 36-anyos, usa ka negosyante ug nagpuyo sa nahisgutan nga lugar.
Sumbong sa complainant nga nalurat na lang kini sa dihang pag-abli niya sa iyang tindahan nagkatag na ang gamit sa sulod ug nasuta nga nahanaw na ang salapi nga P20,000 ug uban pang mga gadget.
Sa maong report gilusad sa Talomo PNP ang Oplan RATS tugis ug didto nailhan ang mga suspek nga pulos mga minor de edad.
Nasayran sa otoridad ang gipundohan sa mga kabataan gani dali kining girespondehan ug gi-rescue.
Nabalik pa ang P2,900 nga salapi ug usa ka seiko wristwatch, gikan sa maong mga kabataan.
Gikonsiderang children in conflict with the law (CICL) ang mga minor ug gi-endorso gilayon kini ngadto sa Women and Children Protection Desk (WCPD) diha sa Talomo PNP.
RadyoMaN Paul Canono
