Davao City – Daku’g ikatabang ang napanday nga online gaming ordinance ngadto sa mga ginikanan nga nagproblema na sa ilang mga anak kinsa nagyampungad diha sa mga internet cafes, gaming arcades ug pisonets karong panahona.
Sumala ni Barangay Lapu-Lapu Agdao SK Chairman Paolo Dominic Rodriguez, usa ka maayo nga ordinansa ang pagdili sa mga menor de edad nga magdula og online games Lunes hangtod Biyernes sa mga internetan aron maka-focus sila sa ilang pagtoon diha sa ilang mga subjects sa eskwelahan.
Hinoon giklaro ni Rodriguez nga lisud kini ma-implementar sa kabarangayan sanglit mismong curfew on minors ug curfew sa pagdula sa internet apil na ang porno wala gani napatuman sa hingpit.
Sugyot sa SK Chair nga una pa man ipatuman kini nga ordinansa, gikinahanglang ipasabot sa mga kabatan-on ang tumong niini ug unahon pagpatuman una ang curfew o oras nga dili na sila pwedeng magdula sa computer o sa Pisonet.
RadyoMaN Bernard Pantallon
