Davao City – Giawhag sa City Government of Davao nga iparehistro online ang mga 12-17 anyos nga kwalipikado alang sa pagpabakuna batok Coronavirus Disease 2019 (COVID-19).
Adunay registration hangtud ugmang adlawa, (November 3, 2021) pinaagi niini nga link, forms.gle/q27xQ31uvASDHaMH7 diin kinahanglan nga makadawat og confirmation text hangtud November 4, 2021 aron ma-entertain sa pagpabakuna.
Gamiton usab ang AMOSUP Seamen’s Hospital sa R. Castillo Street, Agdao, Davao City isip usa sa mga pinakaunang COVID-19 Vaccination Hub alang sa 12-17 years old with comorbidities o Priority A3.
Himuon ang vaccination sa Biyernes (November 5, 2021) alas 8:00 sa buntag hangtud alas 2:00 sa hapon diin Moderna/Pfizer ang gamitong bakuna sa minors ug kinahanglang kauban usab niini ang ginikanan/guardian atol sa vaccination.
Kinahanglan lamang magdala og medical certificate, valid ID sa bata ug sa parent/legal guardian (ID must include the photo of the parent/legal guardian such as a passport).
Wala usab gitugot ang walk-in vaccinees ug gidili ang pagdala og backpacks atol sa vaccination.
RadyoMaN Kirby Manzon
