Davao City – Nanawagan ang Land Transportation Franchising and Regulatory Board (LTFRB) sa mga operators ug drivers sa mga Public Utility Vehicles (PUVs) partikular na sa rutang Mintal-Roxas nga i-comply and rules and regulation sa buhatan human nga gihatagan ang nahisgutan og special permit tungod sa Palarong Pambansa 2019.
Sa pakighinabi sa DXDC RMN Davao kang Atty. Cattleya Acaylar, ang Regional Director sa LTFRB-XI, gibutyag niini nga nagtugot ang maong special permit sa mga Mintal operators nga mulahos sa Davao City-UP Sports Complex, ang main venue sa sporting event. Dili na usab sumala pa angay muadto ang nahisgutan sa buhatan alang niini.
“No need na sila mo-apply sa LTFRB og special permit. Otomatik na to siya.” segun niini.
Segun ni Acaylar nga otorisado ang nahisgutan nga mangolekta og dugang pamasahe gikan sa Mintal Highway padulong sa Sports Complex og P6.00 sa regular passengers ug P5.00 sa PWD, senior citizens ug estudyante. Samtang P8.00 usab ang minimum nga pamasahe.
Saysay sa opisyal nga gi-request kini sa City Government of Davao aron ma-cater ang mga bisita sa maong paugnat sa kusog gikan sa Abril 27, 2019 hangtud sa Mayo 4, 2019.
RadyoMaN Kirby Manzon
