Mipalag ang retiradong pulis sa Lugait Municipal Station nga si SPO4 Ruben Vilbar dihang nakunpiska sa mga opisyal sa Philippine Drugs Enforcement Agency o PDEA ang pulo ka paketeng gidudahang shabu sulod mismo sa kwarto nila nga mag- asawa sa Poblacion Lugait Misamis Oriental.
Misulod na matud pa ang mga otoridad una magpatawag ug mga witness.
Gihaloghog ang panimalay ni Vilbar kagahapon sa buntag,martes pinaagi sa warrant nga gi-isyu sa RTC Cagayan de Oro.
Matud sa pamilya ni Vilbar, aduna silay lehitimong negosyo sama sa paluwagan hinungdan nga mi-asenso sila.
Apan, matud sa PDEA, tuig dos mil katorse pa samtangnagserbisyo pa si Vilbar namaligya na kini ug illegal nga druga nga gikan sumala pa sa misamis occidental ang supply niini.
Matud sa PDEA si Vilbar ang distributor ni Parojinog ug shabu sa lugait ug Iligan City.
Ika katorse si Vilbar nga targetlist sa PDEA apan gikatingala nila kun nganong wala kini malakip sa narcolist sa ilangbarangay hinungdan nga mohimo usab sila ug imbestigasyon batok sa mga barangay officials.
Kanhi pulis si Vilbar ug nahimong finance officer una kini nag -retiro niadtung tuig dos mil dise sais.
Kaganina, sa programang Straight to the point,, gisuwayan sa RMN ILIGAN nga kuhaan ug pamahayag ang asawa niini apan midumili kini dungan sa pag ingon nga nagsamok-samok lang ang media.
(Photo credits to PDEA 10 RD Wilkins Villanueva)
| | Virus-free. www.avast.com |
