Davao City – Gihulagway sa Davao Del Sur Matanao Municipal Police Station nga wala sa sakto nga pangisip ang mipatay sa 4 anyos nga batang lalake sa Barangay Kabasagan Matanao, Davao del Sur.
Si PO2 Ronelyn Gomez sa Matanao Pnp General Investigation nagtoo nga dako sab og purohan nga adik ang mga suspetsado nga mipatay kang alyas Glen, ika-unom nga anak ug residente sa lugar.
Suma ni Gomez, ang matang sa pagpatay sa bata binuhatan sa dili tarong og pangisip ug hayan mga adik human nga gibitay ang biktima ug dako ang posibilidad nga natripan kini sa mga suspetsado.
Giangkon ni Gomez nga blanko ug wala pa silay lead sa mga suspek mipatay sa bata mao gibalikan sa mga imbestigador ang lugar kung nakita ang bata nagbitay ug wa na’y kinabuhi.
Suwayan sa mga imbestigador mangalkal og mga impormasyon sa mga tawo sa lugar nga posibling katapusang nakakita sa bata ayha pa nahitabo ang krimen.
Routine na matud pa sa biktima ang paglaag sa barangay ug gabii na makauli.
Samtang ang Municipal Social Welfare Office mitunol na og ayuda sa mga ginikanan sa bata.
RadyoMaN Joel Viray
