General Santos City—malampusong nasikop sa Operatiba sa Police Station 2 ang suspetsadong dunay kasong Murder sa ilang gihimong Man Hunt Charlie sa may Barangay South Gensan.
Ang suspek giilang si Alimudin Tambidan, 32 anyos, residente sa Purok Islam sa maong barangay .
Kahinumduman nga bandang alas 7:42 sa buntag una nang nakadawat ug impormasyon ang Police Station 2 nga anaa sa iyang panimalay si Tambidan hinungdan gilayon gipatuman ang implementasyon sa Warrant of Arrest sa batok sa suspek, subay sa kamanduan ni Hon Judge Renato Tampac sa Regional Trial Court Branch 2 sa kasong murder .
Sa kasamtangan anaa pa temporaryong naka kustudiya sa silda sa Police Station 2 ang suspek ug gikatakda na kining iturn over sa Gensan City Reformatory Center. *(Ray Flores Sabillo* )
