Davao City – Maximum security ang gipatuman karon sa kapulisan sa San Pedro PNP alang sa hugot nga pagbantay sa Simbang Gabi sugod niadtong December 16 ngadto sa 24 sa tunga-tunga sa gabii.
Sa esklusibong interview sa DXDC 621 RMN Davao, gibatbat ni Jack Tilcag, Station Commander sa San Pedro PNP, hugot nilang gipatuman karon ang ‘No Back Pack Policy’ ug ang pag-inspeksiyon sa tanang mga manimbahay.
Matud ni Tilcag, hugot usab nilang gi-implementar ang ‘One Entrance Policy’ ilabi sa San Pedro Cathedral.
Gipaabot ni Tilcag ngadto sa mga Dabawenyo nga gidili ang pagdala-dala og backpack, pagsuot og jacket, kalo ug sunglasses.
Gidugang ni Tilcag nga dul-an 200 ka mga pulis ug police auxiliaries ang nagbantay inabagan usab sa pagbantay sa Davao City Police Office, Task Force Davao, Police Auxillary, Brgy Police ug mga Force Multipliers.
RadyoMaN Don Pulayao
